1.ଦେଶରେ ପ୍ରଥମ ସ୍ଵଦେଶୀ ହାଇଡ୍ରୋଜେନ୍‌ ଟ୍ରେନ୍ ଚଳାଚଳ କରିବ। ଭାରତୀୟ ରେଳପଥ ଦ୍ୱାରା ଅନୁମୋଦିତ ଏହି ଟ୍ରେନ୍‌ରେ ୧୦ଟି କୋଚ୍‌ ଓ ୧୨୦୦ କିଲୋୱାଟ୍‌ ବିଶିଷ୍ଟ ଇଞ୍ଜିନ୍‌ ରହିଛି, ଯାହାକି ଜିନ୍ଦ୍‌-ସୋନିପତ ସେକ୍ସନରେ ଘଣ୍ଟାପ୍ରତି ୭୫ କିଲୋମିଟର ବେଗରେ ଚାଲିବ।

2.ଭାରତୀୟ ମହାକାଶ ଗବେଷଣା ପ୍ରତିଷ୍ଠାନ (ଇସ୍ରୋ)ର ‘ଚନ୍ଦ୍ରଯାନ-୨ ଅର୍ବିଟରରୁ ମିଳିଥିବା ସର୍ବଶେଷ ତଥ୍ୟ ଅନୁଯାୟୀ, ଚନ୍ଦ୍ରର ଦକ୍ଷିଣ ମେରୁ ନିକଟରେ ଥିବା ଗଭୀର ଗର୍ତ୍ତ ବା କ୍ରେଟର ଗୁଡ଼ିକର ଭୂତଳ ଭାଗରେ ବିପୁଳ ପରିମାଣର ବରଫ ଲୁଚି ରହିଥିବା ସଂକେତ ମିଳିଛି।

3.ଖାଇବା ତେଲ ପ୍ୟାକେଟ୍‌ରେ ରହୁଥିବା ଅସଙ୍ଗତିକୁ ନେଇ କେନ୍ଦ୍ର ସରକାର ଅସନ୍ତୋଷ। ଏହି ବ୍ୟବସ୍ଥା ଉପରେ ରୋକ ଲଗାଇବା ବିଷୟରେ ବିଚାର କରୁଛନ୍ତି। ପ୍ୟାକେଟ୍‌ଗୁଡ଼ିକରେ ୬୫୦ ଗ୍ରାମ, ୭୦୦ ଗ୍ରାମ, ୮୧୦ ଗ୍ରାମ, ୮୫୦ ଗ୍ରାମ ଓ ୮୭୦ ଗ୍ରାମ ଭଳି ଭିନ୍ନ ଭିନ୍ନ ଓଜନର ତେଲ ରହୁଛି।

4.ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଜଗତସିଂହପୁର ଜିଲ୍ଲାର ପାରାଦୀପ ଅନ୍ତର୍ଗତ ଢିଙ୍କିଆ ଗ୍ରାମରେ ଜେଏସ୍‌ଡବ୍ଲ୍ୟୁ ଷ୍ଟିଲ୍‌ର ମେଗା ଇସ୍ପାତ ପ୍ରକଳ୍ପର ଭିତ୍ତିପ୍ରସ୍ତର ସ୍ଥାପନ କରିଛନ୍ତି। ଏହି ପ୍ରକଳ୍ପରେ ୬୫ ହଜାର କୋଟି ଟଙ୍କା ନିବେଶ ହେବ।

 5.ଆସାମ ବିଧାନସଭାରେ ଐତିହାସିକ ସମାନ ନାଗରିକ ସଂହିତା ବିଲ୍  ପାରିତ ହୋଇଛି।

6.ପଶ୍ଚିମବଙ୍ଗ କ୍ୟାବିନେଟ୍ ଅନ୍ନପୂର୍ଣ୍ଣା ଭଣ୍ଡାର ଯୋଜନା ଅଧୀନରେ ମହିଳାଙ୍କ ପାଇଁ ୩,୦୦୦ ଟଙ୍କାର ସହାୟତା ରାଶିକୁ ଅନୁମୋଦନ କରିଛି।

7.ମୁନ୍ଦ୍ରା ଉପକୂଳରେ ଭାରତୀୟ ତଟରକ୍ଷୀ ବାହିନୀର ଗୁଜରାଟ ଆତଙ୍କବାଦ ନିରୋଧୀ ଦଳ ମିଳିତ ଅଭିଯାନ ଚଳାଇଥିଲେ। ଗୁପ୍ତ ସୂଚନା ଆଧାରରେ ସେମାନେ ୧୧୫କିଲୋ କୋକେନ୍ ଜବତ କରିଥିଲେ।

8.ମାଡ୍ରାସ ହାଇକୋର୍ଟ ଏକ ଐତିହାସିକ ରାୟ ଦେଇଛନ୍ତି। ତାମିଲନାଡୁରେ ବକ୍ରୀଦ କିମ୍ବା ଅନ୍ୟ କୌଣସି ଦିନରେ ଗାଈ ଏବଂ ବାଛୁରୀ ହତ୍ୟା ଉପରେ ସମ୍ପୂର୍ଣ୍ଣ ନିଷେଧ ଲଗାଇଛନ୍ତି।

9.ଗଞ୍ଜାମ ଜିଲ୍ଲାରେ ଗତ ୧୦ବର୍ଷରେ (୨୦୧୬ରୁ ୨୦୨୫) ୯୩୯ ହତ୍ୟାକାଣ୍ଡ ଘଟିଛି। ଏଥିସହ ୨୦୨୬ ମସିହାରେ ପାଖାପାଖି ୨୦ ମୁଣ୍ଡ ଗଡ଼ିସାରିଲାଣି। ତଥ୍ୟ ଅନୁସାରେ, ବିଜେଡି ସରକାରଙ୍କ ଶେଷ ୮ ବର୍ଷ ଭିତରେ ଗଞ୍ଜାମ ଜିଲ୍ଲା ୭୫୫ଟି ହତ୍ୟାକାଣ୍ଡ ଦେଖିଛି।

10.ଭୁବନେଶ୍ବର ବିମାନବନ୍ଦର ଦେଇ ଆସୁଥିବା ଇବୋଲା ସନ୍ଦିଗ୍ଧଙ୍କୁ ସଙ୍ଗରୋଧ କରିବା ଲାଗି ଏମ୍‌ସ ଭୁବନେଶ୍ବରରେ ୬-୮ଟି ଶଯ୍ୟା ସଂରକ୍ଷିତ ରହିବ।

11.ବର୍ଷା ଋତୁରେ ହୀରାକୁଦ ଜଳଭଣ୍ତାରେ ଜଳରାଶି ବୃଦ୍ଧି ପାଇଥାଏ ଏହାକୁ ଆଖି ଆଗରେ ରଖି ହୀରାକୁଦ ବନ୍ଧ କର୍ତ୍ତୃପକ୍ଷ ସତର୍କତା ଜାରି କରିଛନ୍ତି।

12.ପଶ୍ଚିମବଙ୍ଗର ପୂର୍ବତନ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ଅତି ଘନିଷ୍ଠ ଏମ୍‌ପି କାକୋଲି ଘୋଷ  ଟିଏମସି ଦଳ ଛାଡ଼ଛନ୍ତି ।

13.ମାଧ୍ୟମିକ ଶିକ୍ଷା ପରିଷଦ ଦ୍ୱାରା ପରିଚାଳିତ ଚଳିତ ବର୍ଷର ସପ୍ଲିମେଣ୍ଟାରୀ ହାଇସ୍କୁଲ ସାର୍ଟିଫିକେଟ ପରୀକ୍ଷା ଆଗାମୀ ଜୁଲାଇ ୨ ତାରିଖରୁ ଆରମ୍ଭ ହୋଇ ଜୁଲାଇ ୧୦ ତାରିଖରେ ଶେଷ ହେବ ।

14.ଓଡ଼ିଶା  ଏସିଆନ୍ ଇନଡୋର୍ ଆଥଲେଟିକ୍ସ ଚାମ୍ପିଅନସିପ୍ ୨୦୨୭’ର ଆୟୋଜନ କରିବ ।

15.ଆଇପିଏଲ (IPL) ମଇଦାନରେ ପୁଣି ଥରେ ଇତିହାସ ରଚିଛନ୍ତି ଯୁବ ବ୍ୟାଟର ବୈଭବ ସୂର୍ଯ୍ୟବଂଶୀ। ଏହି ବାମହାତୀ ବିସ୍ଫୋରକ ବ୍ୟାଟର ସନରାଇଜର୍ସ ହାଇଦ୍ରାବାଦ ବିପକ୍ଷରେ ମାତ୍ର ୧୬ ବଲେ୍‌ରେ ଅର୍ଦ୍ଧଶତକ ହାସଲ କରି ସମସ୍ତଙ୍କୁ ଚକିତ କରିଦେଇଛନ୍ତି