1. ସୁପ୍ରିମ୍‌କୋର୍ଟ ମଙ୍ଗଳବାର କହିଛନ୍ତି ଯେ, ହିନ୍ଦୁ, ଶିଖ୍ କିମ୍ବା  ବୌଦ୍ଧ  ଦୌଦ୍ଧ ବ୍ୟତୀତ ଅନ୍ୟ ଧର୍ମ ଗ୍ରହଣ କରୁଥିବା ବ୍ୟକ୍ତି ଅନୁସୂଚିତ ଜାତି (ଏସ୍‌ସି) ମାନ୍ୟତା ପାଇପାରିବେ ନାହିଁ ଏବଂ ଅନୁସୂଚିତ ଜାତି ଓ ଜନଜାତି (ଅତ୍ୟାଚାର ନିବାରଣ) ଅଧିନିୟମ ଅନୁଯାୟୀ ସୁରକ୍ଷା ଦାବି କରିପାରିବେ ନାହିଁ। 

2.ତିନି ମାସ ମଧ୍ୟରେ  ରିଜର୍ଭ ବ୍ୟାଙ୍କ ୱେବସାଇଟ୍‌ ଉପରେ ୬୧ ନିୟୁତରୁ ଅଧିକ ଥର ସାଇବର୍‌ ଆକ୍ରମଣ ହୋଇଛି। ପ୍ରତିଟି ଉଦ୍ୟମକୁ ସଫଳତାର ସହ ରୋକାଯାଇଛି ବୋଲି ରିଜର୍ଭ ବ୍ୟାଙ୍କର କାର୍ଯ୍ୟନିର୍ବାହୀ ନିର୍ଦ୍ଦେଶକ ପି ବାସୁଦେବନ କହିଛନ୍ତି।

3.୨୦୨୬-୨୭ ବର୍ଷ ପାଇଁ ସୌର ଶକ୍ତି ସମୟରେ ୟୁନିଟ୍ ପିଛା ୨ ଟଙ୍କା ଓ ଅନ୍ୟ ସମୟରେ ୧ ଟଙ୍କା ରିହାତି ମିଳିବ। ଘରୋଇ ଗ୍ରାହକଙ୍କୁ ୪% ରିହାତି ମିଳିବ। ସମୟ ପୂର୍ବରୁ ଅନଲାଇନ୍ ରେ ସମ୍ପୂର୍ଣ୍ଣ ବିଲ୍ ପୈଠ କରନ୍ତି, ତେବେ ୪% ରିହାତି ପାଇବେ। ପ୍ରି-ପେଡ୍ ମିଟର ବ୍ୟବହାର କରୁଥିବା ଗ୍ରାହକଙ୍କୁ ମଧ୍ୟ ୪% ରିହାତି ମିଳିବ। ଇ-ବିଲ୍ ପାଇଁ ମଧ୍ୟ ରିହାତି ରହିଛି।

4.ନୂତନ ନିୟମ ଅନୁଯାୟୀ, ଯଦି ଜଣେ ଯାତ୍ରୀ ଟ୍ରେନ୍ ଛାଡ଼ିବାର ୭୨ ଘଣ୍ଟା ପୂର୍ବରୁ ତାଙ୍କ ଟିକେଟ୍ ବାତିଲ କରନ୍ତି, ତେବେ ସେ ପ୍ରଯୁଜ୍ୟ ବାତିଲ୍ ଶୁଳ୍କ ବାଦ ଦେଇ ୭୫% ,୭୨ ରୁ ୨୪ ଘଣ୍ଟା ମଧ୍ୟରେ ୨୫% ଟଙ୍କା , ୨୪ ରୁ ୮ ଘଣ୍ଟା ମଧ୍ୟରେ ୫୦% ଟଙ୍କା ଫେରସ୍ତ ମିଳିବ। ୮ ଘଣ୍ଟାରୁ କମ୍ ସମୟ ପୂର୍ବରୁ ବାତିଲ୍ କଲେ ଟଙ୍କା ଫେରସ୍ତ ମିଳିବ ନାହିଁ।

5.ସୁନା ଦର ୪୦ ବର୍ଷର ସର୍ବନିମ୍ନ ସ୍ତରକୁ ଖସିଛି। ବିଶ୍ୱ ବଜାରରେ, ସୁନାର ମୂଲ୍ୟ ହ୍ରାସ ପାଇଛି। ତଥାପି ଇରାନ ଯୁଦ୍ଧ ଆରମ୍ଭ ହେବା ପରଠାରୁ, ଏହା ସର୍ବକାଳୀନ ରେକର୍ଡରୁ ଶୀର୍ଷ ପ୍ରାୟ ୨୦% ହ୍ରାସ ପାଇଛି।

6.ଭାରତୀୟ ନୌସେନା ଦୁଇଟି ଭାରତୀୟ ଏଲପିଜି ଜାହାଜକୁ ସୁରକ୍ଷିତ ଭାବରେ ଜଗ ବସନ୍ତ ଏବଂ ପାଇନ ଗ୍ୟାସ ହରମୁଜ ପ୍ରଣାଳୀ ଦେଇ ଗତି କରିଛି ଏବଂ ବର୍ତ୍ତମାନ ଭାରତ ଅଭିମୁଖେ ଯାତ୍ରା କରୁଛି।

7.ଏମ୍‌ସିଏଲ୍‌ ପକ୍ଷରୁ  ଅନୁଗୁଳଜିଲ୍ଲାର ବଳରାମ-ହିଙ୍ଗୁଳା ଖଣି ଅଞ୍ଚଳରେ ବାର୍ଷିକ ୧୫ ନିୟୁତ ଟନ୍‌ କ୍ଷମତା ବିଶିଷ୍ଟ ଏକ ବଡ଼ ୱାସେରି ସ୍ଥାପନ କରାଯିବ। ଦ୍ବିତୀୟ ୱାସେରିକୁ ଝାରସୁଗୁଡ଼ା ଜିଲ୍ଲାର କୁଲ୍‌ଡ଼ା-ଗର୍ଜନବାହାଲ ଅଞ୍ଚଳରେ ପ୍ରତିଷ୍ଠା କରାଯିବ।

8.ବମ୍ବେ ଷ୍ଟକ୍‌ ଏକ୍ସଚେଞ୍ଜର ସେନ୍‌ସେକ୍ସ ୧୩୭୨ ପଏଣ୍ଟ୍‌ ବୃଦ୍ଧି ପାଇ ୭୪,୦୬୮ ପଏଣ୍ଟ୍‌ରେ ବନ୍ଦ ହୋଇଛି। ନ୍ୟାସନାଲ୍‌ ଷ୍ଟକ୍‌ ଏକ୍ସଚେଞ୍ଜର ନିଫ୍ଟି ମଧ୍ୟ ୪୦୦ ପଏଣ୍ଟ୍‌ ବୃଦ୍ଧି ପାଇ ୨୨,୯୧୨ ପଏଣ୍ଟ୍‌ରେ ବନ୍ଦ ହୋଇଛି। 

9.ଦୀର୍ଘ ୧୩ ବର୍ଷ ଧରି କୋମାରେ ରହି ମୃତ୍ୟୁ ସହ ସଂଗ୍ରାମ କରୁଥିବା ହରିଶ ରାଣା ଶେଷରେ ଆଖି ବୁଜିଛନ୍ତି।

10.ଭୁବନେଶ୍ବର  ୨୦୨୫-୨୬ ଆର୍ଥିକ ବର୍ଷରେ, ମୋଟ ୩,୮୦,୭୬୩ ମହିଳା ସ୍ୱୟଂ ସହାୟକ ଗୋଷ୍ଠୀଙ୍କୁ ସୁଧ ରିହାତି ବାବଦରେ ୭୨୪.୩୯ କୋଟି ଟଙ୍କା ପ୍ରଦାନ କରାଯାଇଛି।

11.ଗ୍ରୀଷ୍ମପ୍ରବାହକୁ ଦୃଷ୍ଟିରେ ରଖି ଏପ୍ରିଲ୍‌ ୪ ତାରିଖରୁ ସକାଳୁଆ କୋର୍ଟ ଖୋଲିବାକୁ ନିର୍ଦ୍ଦେଶ ଦିଆଯାଇଛି। ଏନେଇ ଓଡ଼ିଶା ରାଜ୍ୟ ଉଚ୍ଚନ୍ୟାୟାଳୟର ରେଜିଷ୍ଟ୍ରାର୍‌ (ପରିଚାଳନା) ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି।

12.ରାଜ୍ୟର ସ୍ୱାସ୍ଥ୍ୟ ସେବାକୁ ଆହୁରି ସୁଦୃଢ଼ କରିବା ଦିଗରେ ଆଜି ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ଗ୍ରହଣ କରାଯାଇଛି। ସ୍ୱାସ୍ଥ୍ୟ ଓ ପରିବାର କଳ୍ୟାଣ ବିଭାଗ ମାନ୍ୟବର ମନ୍ତ୍ରୀ ଡ଼. ମୁକେଶ ମହାଲିଙ୍ଗ ୫୯୮୯ ନର୍ସିଂ ଅଫିସର ଏବଂ ୨୪୦ ରେଡିଓଗ୍ରାଫରମାନଙ୍କ ପଦବିକୁ ଅନୁମୋଦନ ଦେଇଛନ୍ତି।

13.ଭୁବନେଶ୍ବର: ବିମାନବନ୍ଦରରୁ ୬ କୋଟି ଟଙ୍କାର  ଗଞ୍ଜେଇ ଜବତ, ୨ ତାମିଲ ଯୁବକ ଅଟକ। ବିମାନଟି ବ୍ୟାଙ୍କକରୁ ଆସୁଥିଲା।

14.ଲୋକସେବା ଭବନ ଠାରେ ମୁଖ୍ୟମନ୍ତ୍ରୀ  ମୋହନ ଚରଣ ମାଝିଙ୍କ ଅଧ୍ୟକ୍ଷତାରେ ରାଜ୍ୟସ୍ତରୀୟ ବିଶ୍ୱ ଯକ୍ଷ୍ମା ଦିବସ-୨୦୨୬ ପାଳିତ ହୋଇଯାଇଛି ଏବଂ ଏହି ଅବସରରେ ଯକ୍ଷ୍ମାମୁକ୍ତ ଭାରତ ଅଭିଯାନ 2.0ର ଶହେ ଦିନିଆ କ୍ୟାମ୍ପେନ୍‌ର ଶୁଭାରମ୍ଭ ମଧ୍ୟ ହୋଇଛି। 

15.ପଶ୍ଚିମ  ଏସିଆ ସଙ୍କଟ ଉପରେ ମଙ୍ଗଳବାର ରାଜ୍ୟସଭାରେ ଉଦ୍‌ବୋଧନ ଦେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କହିଛନ୍ତି ଯେ ଚାଲିଥିବା ସଙ୍କଟ ବିଶ୍ୱ ଅର୍ଥନୀତିକୁ ଦୋହଲାଇ ଦେଇଛି ଏବଂ ପୁନରୁଦ୍ଧାର ପାଇଁ ଦୀର୍ଘ ସମୟ ଲାଗିପାରେ।

16.ଇରାନ ଦାବି କରୁଛି ଯେ ସମସ୍ତ ପ୍ରତିବନ୍ଧକ ହଟାଇବା ଏବଂ ଯୁଦ୍ଧ ସମୟରେ ହୋଇଥିବା କ୍ଷତି ପାଇଁ ଆମେରିକା କ୍ଷତିପୂରଣ ପ୍ରଦାନ ନ କରିବା ପର୍ଯ୍ୟନ୍ତ ସଂଘର୍ଷ ଜାରି ରହିବ। 

17.ଆମେରିକା ଓ ଇସ୍ରାଏଲ୍ ପକ୍ଷରୁ ଇରାନର ଅନେକ ସହର ଉପରେ ଶକ୍ତିଶାଳୀ ଆକ୍ରମଣ କରାଯାଇଛି, ଯାହା ଟ୍ରମ୍ପଙ୍କ ଶାନ୍ତି ପ୍ରସ୍ତାବକୁ ନେଇ ପ୍ରଶ୍ନବାଚୀ ସୃଷ୍ଟି କରିଛି। 

18.କୁୱେତ ଅନ୍ତର୍ଜାତୀୟ ବିମାନବନ୍ଦରରେ ଏକ ଡ୍ରୋନ୍ ଏକ ଇନ୍ଧନ ଟାଙ୍କିକୁ ଟାର୍ଗେଟ କରିଥିଲା, ଯାହା ଫଳରେ ନିଆଁ ଲାଗିଯାଇଥିଲା

19. ଦିଲ୍ଲୀ ସରକାର ୨୦୨୬-୨୭ ଆର୍ଥିକ ବର୍ଷ ପାଇଁ ୧,୦୩,୭୦୦ କୋଟିର ବଜେଟ୍ ଉପସ୍ଥାପନ କରିଛନ୍ତି।

2.ଆଇପିଏଲ୍‌ ୨୦୨୬ ଆରମ୍ଭ ହେବାର ତିନିଦିନ ପୂର୍ବରୁ ଦିଲ୍ଲୀ କ୍ୟାପିଟାଲ୍ସକୁ ଏକ ଝଟକା ଲାଗିଛି। ଇଂଲଣ୍ଡ ବ୍ୟାଟର୍‌ ବେନ୍‌ ଡକେଟ୍‌ ଏହି ପ୍ରତିଯୋଗିତାରୁ ଓହରି ଯାଇଛନ୍ତି।