1.ଯୁଦ୍ଧ ଭିତରେ ଆର୍ଥିକ ସଙ୍କଟ ଦେଇ ଗତି କରୁଥିବା ଇରାନ ଏହାର ସର୍ବାଧିକ ମୂଲ୍ୟର ବ୍ୟାଙ୍କ ନୋଟ ଜାରି କରିଛି। ଇରାନ ଏପର୍ଯ୍ୟନ୍ତ ସର୍ବାଧିକ ମୁଦ୍ରା ୧୦ ନିୟୁତ ରିୟାଲ ନୋଟ୍‌ ଆଣିଛି।

2.ଇରାନ ଯୁଦ୍ଧ ପୂର୍ବରୁ ଅନ୍ତର୍ଜାତୀୟ ବଜାରରେ ବ୍ରେଣ୍ଟ ଅଶୋଧିତ ତୈଳ ଦର ବ୍ୟାରେଲ୍‌ ପ୍ରତି ୭୦ ଡଲାର ରହିଥିବାବେଳେ ଏବେ ତାହା ୧୧୯.୫୦ ଡଲାରରେ ପହଞ୍ଚିଛି। ଦର ହ୍ରାସ ଲକ୍ଷ୍ୟରେ ଆମେରିକାର ଡୋନାଲ୍ଡ ଟ୍ରମ୍ପ୍‌ ପ୍ରଶାସନ ସୀମିତ ସମୟ ପାଇଁ ଇରାନ ତୈଳ ଉପରୁ କଟକଣା ହଟାଇଥିବାରୁ ଭାରତୀୟ ରିଫାଇନେରି କମ୍ପାନୀଗୁଡ଼ିକ ସେଠାରୁ ତୈଳ କିଣା ଆରମ୍ଭ କରିବାକୁ ଯୋଜନା କରୁଛନ୍ତି।

3.ରାଜ୍ୟ ଏବଂ କେନ୍ଦ୍ରଶାସିତ ଅଞ୍ଚଳକୁ ବାଣିଜି୍ୟକ ବାଣିଜ୍ୟିକ ଏଲ୍‌ପିଜିର ଅଧିକ ୨୦ ପ୍ରତିଶତ ଆବଣ୍ଟନକୁ ଅନୁମତି ଦିଆଯାଇଛି।

4.ସୁନା ଓ ରୁପା ଦରରେ ବଡ଼ ହ୍ରାସ ଘଟିଛି। ଭୁବନେଶ୍ଵର ବଜାରରେ ୨୪ କ୍ୟାରେଟ୍‌ ସୁନା ଦର ୧୦ ଗ୍ରାମ ପିଛା ୨୯୪୦ ଟଙ୍କା କମି ୧୪୫୯୭୦ ଟଙ୍କାରେ ରହିଛି। ସେହିଭଳି ୨୨ କ୍ୟାରେଟ୍‌ ସୁନା ଦର ୨୭୫୦ ଟଙ୍କା ହ୍ରାସ ପାଇ ୧୩୩୮୦୦ ଟଙ୍କା ରହିଛି।

5.ଭାରତୀୟ ଷ୍ଟେଟ ବ୍ୟାଙ୍କ ୩ କୋଟିରୁ ଅଧିକ ବଲ୍କ ଜମା ପାଇଁ ସ୍ଥାୟୀ ଜମା ହାର ୨୫ ବେସିସ୍ ପଏଣ୍ଟ (ବିପିଏସ୍‌) ବୃଦ୍ଧି କରିଛି। ନୂତନ ହାର ୨୦୨୬ ମାର୍ଚ୍ଚ ୧୫ରୁ ଲାଗୁ ହୋଇଛି।

6.କେନ୍ଦ୍ର ସରକାର ଡିଜିଟାଲ୍ ଗିରଫ ଠକେଇରେ ବ୍ୟବହୃତ ହ୍ୱାଟ୍ସଆପ୍ ଡିଭାଇସ୍ ଆଇଡି ଗୁଡ଼ିକୁ ରୋକିବା ପାଇଁ ସରକାର ସେଗୁଡିକୁ ବ୍ଲକ୍ କରିବାକୁ ନିର୍ଦ୍ଦେଶ ଦେଇଛନ୍ତି। 

7.ରାଜ୍ୟସଭା ନିର୍ବାଚନରେ କ୍ରସ ଭୋଟିଂ କରିଥିବା ବିଜୁ ଜନତା ଦଳ (ବିଜେଡି)ର ୬ଜଣ ବିଧାୟକ ନିଲମ୍ବିତ ହୋଇଛନ୍ତି।

8.ତେଲେଙ୍ଗାନା ଏବଂ ଆନ୍ଧ୍ରପ୍ରଦେଶରେ ସ୍ୱତନ୍ତ୍ର ସଘନ ସଂଶୋଧନ ପ୍ରକ୍ରିୟା ଏପ୍ରିଲ ୧ ତାରିଖରେ ଆରମ୍ଭ ହୋଇ, ୨୦୨୬ ମଇ ପର୍ଯ୍ୟନ୍ତ ଜାରି ରହିବ। 

9.ଆମେରିକାର ସବୁଠାରୁ ଶକ୍ତିଶାଳୀ ଯୁଦ୍ଧବିମାନ ଏଫ୍-୩୫କୁ ଇରାନର ଇସଲାମିକ ରିଭୋଲ୍ୟୁସନାରୀ ଗାର୍ଡ କର୍ପସ (ଆଇଆରଜିସି) କ୍ଷେପଣାସ୍ତ୍ର ମାଡ କରିବାରେ ସଫଳ ହୋଇଛି।

10.ଯୁକ୍ତରାଷ୍ଟ୍ର ଆମେରିକା ଏହାର ସହଯୋଗୀ ରାଷ୍ଟ୍ର ସଂଯୁକ୍ତ ଆରବ ଏମିରେଟ୍ସ (ୟୁଏଇ)କୁ ୭୦୦ କୋଟି ଡଲାର ମୂଲ୍ୟର ଅସ୍ତ୍ରଶସ୍ତ୍ର ଯୋଗାଇ ଦେବାକୁ ଅନୁମୋଦନ କରିଛି।

11.ଇରାନ ସେନା ହର୍ମୁଜ୍ ପ୍ରଣାଳୀକୁ ଅବରୋଧ କରି ରଖିଥିବାରୁ ବିଶ୍ଵରେ ତୈଳ ଯୋଗାଣ ବାଧାପ୍ରାପ୍ତ ହୋଇଛି। ତେଣୁ ହର୍ମୁଜ୍ ପ୍ରଣାଳୀକୁ ଆନ୍ତର୍ଜାତିକ ଜାହାଜ ଚଳାଚଳ ପାଇଁ ମୁକ୍ତ ରଖିବା ଲାଗି ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ପଶ୍ଚିମ ଏସିଆକୁ ଆଉ ୨,୫୦୦ ମେରାଇନ ସୈନ୍ୟ ଏବଂ ୩ଟି ଯୁଦ୍ଧ ଜାହାଜ ପଠାଇବାକୁ ନିର୍ଦେଶ ଦେଇଛନ୍ତି।

12.ସରକାରଙ୍କ ନୂତନ ବିଜ୍ଞପ୍ତି ଅନୁଯାୟୀ ୩୧ ମାର୍ଚ୍ଚ ୨୦୨୬ ସୁଦ୍ଧା ଯଦି ଆପଣ ନିଜର ପାନ୍‌କୁ ଆଧାର ସହିତ ଲିଙ୍କ୍ କରିନାହାଁନ୍ତି, ତେବେ ଆପଣଙ୍କର ପାନ୍ କାର୍ଡ ଅକାମୀ ହୋଇଯିବ। ବର୍ତ୍ତମାନ ଏଥିପାଇଁ ଜଣେ ବ୍ୟକ୍ତି ୧,୦୦୦ ର ଜୋରିମାନା ଦେଇ ପାନ୍‌ ସହିତ ଆଧାର ଲିଙ୍କ କରିବାର ସୁବିଧା ଦିଆଯାଉଛି ।

13.ମୁଖ୍ୟ ଶାସନ ସଚିବ ଅନୁ ଗର୍ଗଙ୍କ ଅଧ୍ୟକ୍ଷତାରେ ସଚିବସ୍ତରୀୟ ବୈଠକ ଅନୁଷ୍ଠିତ ହୋଇଯାଇଛିl ଆଗାମୀ ଜୁନ୍ ମାସ ସୁଦ୍ଧା ରାଜ୍ୟ ସରକାର  ବିଭିନ୍ନ ବିଭାଗରେ ଖାଲିଥିବା ୬୫ ହଜାର ପଦବି ପୂରଣ ପାଇଁ ରାଜ୍ୟ ସରକାର ଲକ୍ଷ୍ୟ ରଖିଥିବା ବେଳେ  ତନ୍ମଧ୍ୟରୁ ୪୧,୦୬୩ଟି ପଦବି ପୂରଣ ହୋଇଛି ।  

14.ଓଡ଼ିଶା ଜଣେ ଅସାଧାରଣ ଶିଳ୍ପୀ, ପ୍ରଖ୍ୟାତ ଗୀଟାର ବାଦକ ତଥା ମ୍ୟୁଜିକ୍ଆରେଞ୍ଜର୍ ଦେବାଂଶୁ ରଥ ଚେନ୍ନାଇଠାରେ ଶେଷ ନିଶ୍ବାସ ତ୍ୟାଗ କରିଛନ୍ତି। ମୃତ୍ୟୁ ବେଳକୁ ତାଙ୍କୁ ମାତ୍ର ୬୨ ବର୍ଷ ବୟସ ହୋଇଥିଲା।

15.ବର୍ତ୍ତମାନ ଓଡିଶାର ସମୁଦାୟ ଭୂମି କ୍ଷେତ୍ରର ୩୭.୬୩ ପ୍ରତିଶତ ଅର୍ଥାତ୍‌ ୫୮,୫୯୭ ବର୍ଗ କିଲୋମିଟର ବନ ଓ ବୃକ୍ଷ ଆବରଣରେ ପରିପୂର୍ଣ୍ଣ।

16.ଗ୍ରୀଷ୍ମ ପ୍ରବାହକୁ ଦୃଷ୍ଟିରେ ରଖି ସକାଳୁଆ ସ୍କୁଲ ପାଇଁ ନିଷ୍ପତ୍ତି ନିଆଯିବ। ତେବେ କେବେ ସ୍କୁଲରେ ସକାଳୁଆ ପାଠପଢ଼ା ହେବ ସେନେଇ ବିଦ୍ୟାଳୟ ଓ ଗଣଶିକ୍ଷା ବିଭାଗ ଏବଂ ବିପର୍ଯ୍ୟୟ ପରିଚାଳନା ବିଭାଗର ଅଧିକାରୀମାନେ ସ୍ଥିତିକୁ ଦେଖି ନିଷ୍ପତ୍ତି ନେବେ ବୋଲି ମନ୍ତ୍ରୀ କହିଛନ୍ତି।

17.ଭାରତର ଆୟର୍ଲାଣ୍ଡ ଗସ୍ତସୂଚୀ ଚୂଡ଼ାନ୍ତ ହୋଇଛି। ଭାରତ ଜୁନ ୨୬ ଓ ୨୮ ତାରିଖରେ ବେଲଫାଷ୍ଟ୍‌ଠାରେ ଦୁଇଟି ଟ୍ବେଣ୍ଟି-୨୦ ଖେଳିବ ବୋଲି ବିସିସିଆଇ ପକ୍ଷରୁ ସୂଚନା ଦିଆଯାଇଛି।

18.ଦୀର୍ଘ ୨୪ ବର୍ଷ ପରେ ଦକ୍ଷିଣ ଆଫ୍ରିକା ସହ ଟେଷ୍ଟ ଖେଳିବ ଭାରତୀୟ ମହି​ଳା ଦଳ। ଏହି ଟେଷ୍ଟ ଚଳିତ ବର୍ଷ ଡିସେମ୍ବର ୨୦ରୁ କେବେର୍ହା ( ପୂର୍ବନାମ ପୋର୍ଟ ଏଲିଜାବେଥ୍‌) ଠାରେ ଆରମ୍ଭ ହେବ। 

19.ଚଣ୍ଡିଗଡ଼ଠାରେ ଚଳିତ ମାର୍ଚ୍ଚ ୨୦ରୁ ୨୨ ତାରିଖ ପର୍ଯ୍ୟନ୍ତ ଆୟୋଜିତ ଖେଲୋ ମାଷ୍ଟର୍ସ ଗେମ୍ସରେ ଓଡ଼ିଶାର ଡିସ୍‌କସ୍‌ କୁଇନ୍‌ ପାର୍ବତୀ ସେଠୀ ଦୁଇଟି ସ୍ଵର୍ଣ୍ଣପଦକ ଜିତିଛନ୍ତି। ଡିସ୍‌କସ୍‌ ସହ ସଟ୍‌ପୁଟ୍‌ରେ ମଧ୍ୟ ପ୍ରଥମ ସ୍ଥାନ ଅଧିକାର କରି ରାଜ୍ୟ ପାଇଁ ଗର୍ବ ଓ ଗୌରବ ଆଣିଛନ୍ତି।  

20.ଅନେକ ରାଜ୍ୟରେ ବର୍ଷା ଏବଂ ବଜ୍ରପାତ ଜାରି ରହିଛି। ପାଣିପାଗ ବିଭାଗ ପୂର୍ବାନୁମାନ କରିଛି ଯେ ପୂର୍ବ ଏବଂ ଉତ୍ତର-ପୂର୍ବ ଭାରତୀୟ ରାଜ୍ୟଗୁଡ଼ିକରେ ୨୪ ମାର୍ଚ୍ଚ ପର୍ଯ୍ୟନ୍ତ ଝଡ଼ବର୍ଷା ଏବଂ ପ୍ରବଳ ପବନ ସହିତ ବର୍ଷା ଜାରି ରହିବ।