1.ରାଷ୍ଟ୍ରପତି ଦ୍ରୌପଦୀ ମୁର୍ମୁ ସରକାରୀ କ୍ଷେତ୍ରର ଉଦ୍ୟୋଗଗୁଡ଼ିକୁ ମଜବୁତ କରି ଏବଂ ଘରୋଇ କ୍ଷେତ୍ରର ବିଶେଷଜ୍ଞତାକୁ ସମନ୍ୱିତ କରି ପ୍ରତିରକ୍ଷା କ୍ଷମତା ବୃଦ୍ଧି ଉପରେ ଗୁରୁତ୍ୱାରୋପ କରିଛନ୍ତି।

2.ବିଶ୍ଵ ର ୯ଟି ଦେଶ ନିକଟରେ ୧୨ ହଜାରରୁ ଅଧିକ ପରମାଣୁ ଅସ୍ତ୍ର ରହିଥିବା ଦି ଷ୍ଟକ୍‌ହୋମ ଇଣ୍ଟରନ୍ୟାସନାଲ୍‌ ପିସ୍‌ ରିସର୍ଚ୍ଚ ଇନ୍‌ଷ୍ଟିଚ୍ୟୁଟ୍‌ (ଏସ୍‌ଆଇପିଆରଆଇ) ତରଫରୁ ଜାରି ଏକ ରିପୋର୍ଟରେ ଦର୍ଶାଯାଇଛି।

3.ବୁଧବାର ଷଷ୍ଠ ଦିନରେ ପହଞ୍ଚିଥିବା ମଧ୍ୟପ୍ରାଚ୍ୟ ସଂଘର୍ଷରେ ନାଟକୀୟ ବୃଦ୍ଧି ଘଟିଥିବା ବେଳେ ଇରାନ ଇସ୍ରାଏଲ ଉପରକୁ ଫତେହ-୧ ହାଇପରସୋନିକ୍ କ୍ଷେପଣାସ୍ତ୍ର ନିକ୍ଷେପ କରି ବ୍ୟାପକ କ୍ଷୟକ୍ଷତି ଘଟାଇଛି।

4. ଇରାନ ସହ ଯୁଦ୍ଧରେ ଇସ୍ରାଏଲ ଦ୍ରୁତ ସଫଳତା ହାସଲ କରିଥିବା ଦାବି କରୁଥିଲେ ମଧ୍ୟ ଇରାନ ନିକ୍ଷେପ କରୁଥିବା ବାଲିଷ୍ଟିକ୍‌ ଓ ହାଇପର୍‌ସୋନିକ୍‌ କ୍ଷେପଣାସ୍ତ୍ର ଅଟକାଇବାରେ ଇସ୍ରାଏଲ ସକ୍ଷମ ହୋଇପାରୁ ନାହିଁ।

5.ଗ୍ରୁପ୍ କ୍ୟାପ୍ଟେନ୍ ଶୁଭାଂଶୁ ଶୁକ୍ଳାଙ୍କ ସହ ସ୍ପେସ୍ଏକ୍ସ ଡ୍ରାଗନ୍ ମହାକାଶଯାନରେ ଆକ୍ସମ୍-୪ (ଆକ୍ସ-୪) ଅଭିଯାନର ଉତ୍‌କ୍ଷେପଣ ପଞ୍ଚମ ଥର ପାଇଁ ବିଳମ୍ବିତ ହୋଇଛି। ନାସା, ଆକ୍ସମ୍ ସ୍ପେସ୍ ଓ ସ୍ପେସ୍ଏକ୍ସ ଏବେ ରବିବାର (ଜୁନ୍ ୨୨) ପୂର୍ବରୁ ଅନ୍ତର୍ଜାତୀୟ ମହାକାଶ କେନ୍ଦ୍ରକୁ (ଆଇଏସ୍ଏସ୍)କୁ ଆକ୍ସମ୍ ମିସନ-୪ର ଚତୁର୍ଥ ଘରୋଇ ମହାକାଶଚାରୀ ଅଭିଯାନ ହେବ ନାହିଁ ।

6.କାନାଡ଼ା‌ରେ ଜି-୧୭ ସମ୍ମିଳନୀରେ ଯୋଗଦେବା ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଗୋଟିଏ ଦିନରେ ୧୦ ଘଣ୍ଟା‌ ମଧ୍ୟରେ ୧୨ଟି ବୈଠକ କରିଛନ୍ତି।

7.ଭାରତୀୟ ନୌସେନା ବିଶ୍ୱର ସବୁଠାରୁ ଆଧୁନିକ ଏବଂ ଶକ୍ତିଶାଳୀ ସେନା ତାଲିକାରେ ସ୍ଥାନିତ ହୋଇଛି। ଏବେ ସମୁଦ୍ରରେ ଭାରତୀୟ ନୌସେନାର ଶକ୍ତି ଆହୁରି ବୃଦ୍ଧି ପାଇଛି। ଜୁନ୍ ୧୮ ତାରିଖରେ ନୌସେନା ଆଣ୍ଟି-ସବମେରିନ୍ ଓ୍ଵାର୍ଫେୟାର୍ ଆଇଏନଏସ ଅର୍ଣ୍ଣଲାକୁ ସାମିଲ କରିଛି।

8.କେନ୍ଦ୍ର ସଡ଼କ ପରିବହନ ଓ ରାଜପଥ ମନ୍ତ୍ରୀ ନୀତିନ ଗଡ଼କରୀ ବର୍ଷିକିଆ ଫାସ୍‌ଟ୍ୟାଗ୍‌ ପାସ୍‌ ଘୋଷଣା କରିଛନ୍ତି। ଏହି ପାସ୍‌ର ମୂଲ୍ୟ ୩୦୦୦ ଟଙ୍କା ରଖାଯାଇଛି ଯାହା ଆସନ୍ତା ଅଗଷ୍ଟ ୧୫ରୁ ମିଳିବ। ପାସ୍‌ ସକ୍ରିୟ ହେବା ତାରିଖଠାରୁ ଏକ ବର୍ଷ ପର୍ଯ୍ୟନ୍ତ ବୈଧ ରହିବ। ସେଥିରେ ୨୦୦ ଥର ଟୋଲ୍‌ବୁଥ୍‌ ଅତିକ୍ରମ କରିହେବ। 

9.ନାଗରିକମାନଙ୍କୁ ୫୬ଟି ସେବାକୁ ବାଧ୍ୟତାମୂଳକ ଭାବେ ଅନ୍‌ଲାଇନ୍ ମାଧ୍ୟମରେ ପ୍ରଦାନ କରିବାର ବ୍ୟବସ୍ଥା ଥିବା ବେଳେ ଓଡ଼ିଶା ମାତ୍ର ୨୫ଟି ସେବା ପ୍ରଦାନ କରୁଛି। ଫଳରେ ଏକ୍ଷେତ୍ରରେ ରାଜ୍ୟର ସାଚୁରେସନ୍ ଲେବଲ୍‌ (ପରିପୃଷ୍ଠତା ସ୍ତର) ୪୪.୬୫ ପ୍ରତିଶତ ରହିଛି।

10.କେନ୍ଦ୍ର ସାହିତ୍ୟ ଅକାଦେମିର କାର୍ଯ୍ୟନିର୍ବାହୀ ବୈଠକରେ ଆଜି ୨୦୨୫ ବର୍ଷ ନିମନ୍ତେ ଓଡ଼ିଆ ସମେତ ୨୩ଟି ଭାଷା ପାଇଁ ଯୁବ ପୁରସ୍କାର ଓ ୨୪ଟି ଭାଷା ପାଇଁ ବାଲ୍ ସାହିତ୍ୟ ପୁରସ୍କାର ଘୋଷଣା କରାଯାଇଛି।

11.ଗଳ୍ପ ସଂକଳନ ‘କଦମ୍ବବନ’ ପାଇଁ କେନ୍ଦ୍ର ସାହିତ୍ୟ ଅକାଦେମି ଯୁବ ପୁରସ୍କାର ୨୦୨୫ ପାଇବେ ସୁବ୍ରତ କୁମାର ସେନାପତି। କବିତା ସଙ୍କଳନ ‘କେତେ ଫୁଲ ଫୁଟିଚି’ ପାଇଁ ଶିଶୁ ସାହିତ୍ୟିକ ଡ. ରାଜକିଶୋର ପାଢ଼ୀ ବାଲ୍‌ ସାହିତ୍ୟ ପୁରସ୍କାର ପାଇବେ। ପୁରସ୍କାର ବାବଦକୁ ତାଙ୍କୁ ବି ଏକ ତାମ୍ରଫଳକ ଓ ୫୦ ହଜାର ଟଙ୍କା ପ୍ରଦାନ କରାଯିବ।

12.ଓଡ଼ିଶାର ମୟୂରଭଞ୍ଜ ଜିଲ୍ଲାର ଭୋଳାଗଡ଼ିଆ ଗ୍ରାମର ଯୁବ କବି ଫାଗୁ ବାସ୍କେଙ୍କୁ ସାନ୍ତାଳୀ ଭାଷା ବର୍ଗରେ ତାଙ୍କ ସାନ୍ତାଳୀ କବିତା ସଂକଳନ ‘ଆଳା ସାଅଁ ଇଞ୍’ ପାଇଁ ‘କେନ୍ଦ୍ର ସାହିତ୍ୟ ଅକାଦେମି ଯୁବ ପୁରସ୍କାର-୨୦୨୫’ ପାଇଁ ଚୟନ କରାଯାଇଛି।

13.ତେହେରାନରେ ଥିବା ଭାରତୀୟ ଦୂତାବାସ ଗତକାଲି ଉତ୍ତର ଇରାନରୁ ୧୧୦ ଜଣ ଭାରତୀୟ ଛାତ୍ରଙ୍କୁ ସୁରକ୍ଷିତ ଭାବରେ ଆର୍ମେନିଆ ପାର କରିବାରେ ସହାୟତା କରିଛି।

14.ଶ୍ରୀ ଗଡକରୀ କହିଛନ୍ତି, ସଡ଼କ ଦୁର୍ଘଟଣା ରୋକିବା କେନ୍ଦ୍ର ସରକାରଙ୍କ ପାଇଁ ଏକ ପ୍ରମୁଖ ପ୍ରାଥମିକତା।  ୨୦୩୦ ସୁଦ୍ଧା ସଡ଼କ ଦୁର୍ଘଟଣା ମୃତ୍ୟୁକୁ ୫୦ ପ୍ରତିଶତ ହ୍ରାସ କରିବା ପାଇଁ ଭାରତର ପ୍ରତିଶ୍ରୁତି ହାସଲ କରିବା ଅପରିହାର୍ଯ୍ୟ।

15.ନିର୍ବାଚନ କମିଶନ ଭୋଟରମାନଙ୍କୁ ପରିଚୟ ପତ୍ର ପଠାଇବା କାର୍ଯ୍ୟ ଦ୍ରୁତ ଗତିରେ କରିବାକୁ ନିଷ୍ପତ୍ତି ନେଇଛନ୍ତି। ଏବେ ଭୋଟରମାନେ ଭୋଟର ତାଲିକାରେ ଅପଡେଟ୍ ହେବାର ୧୫ ଦିନ ମଧ୍ୟରେ ଭୋଟର ଫଟୋ ପରିଚୟ ପତ୍ର ପାଇବେ।