1.ଭାରତର ବେକାରୀ ହାର ୨୦୨୫ ମେ’ ମାସରେ ୫.୬%କୁ ବୃଦ୍ଧି ପାଇଛି, ଯାହା ଏପ୍ରିଲ୍ ୨୦୨୫ରେ ୫.୧% ଥିଲା।

2.ମଲ୍ଟି କମୋଡିଟି ଏକ୍ସଚେଞ୍ଜ (MCX)ରେ ରୂପାର ମୂଲ୍ୟ ପ୍ରଥମ ଥର ପାଇଁ କିଲୋଗ୍ରାମ ପିଛା ୧,୦୯ ଲକ୍ଷ ଟଙ୍କା ଅତିକ୍ରମ କରି ଏକ ନୂଆ ରେକର୍ଡ ସୃଷ୍ଟି କରିଛି।

3.ଜାତୀୟ ପେମେଣ୍ଟ କର୍ପୋରେସନ ଅଫ୍ ଇଣ୍ଡିଆ (NPCI) ଘୋଷଣା କରିଛି ଯେ, ୧୬ ଜୁନ୍ ୨୦୨୫, ସୋମବାରଠାରୁ UPI ଟ୍ରାନଜାକ୍ସନ ପ୍ରକ୍ରିୟା ନୂଆ ଗାଇଡଲାଇନ୍ ଅନୁଯାୟୀ ମାତ୍ର ୧୫ ସେକେଣ୍ଡରେ ସମ୍ପୂର୍ଣ୍ଣ ହେବ, ଯାହା ପୂର୍ବରୁ ୩୦ ସେକେଣ୍ଡ ଥିଲା।

4.ଇରାନ-ଇସ୍ରାଏଲ ପରମାଣୁ ଯୁଦ୍ଧ ମଧ୍ୟରେ, ଅନ୍ତର୍ଜାତୀୟ ପରମାଣୁ ଶକ୍ତି ଏଜେନ୍ସି (ଆଇଏଇଏ) କହିଛି ଯେ ଇରାନର ନାଟାଞ୍ଜ ପରମାଣୁ କେନ୍ଦ୍ର ( ୟୁରାନିୟମ ଏନରିଚମେଣ୍ଟ ସେଣ୍ଟର) ଉପରେ ଇସ୍ରାଏଲୀ ବିମାନ ଆକ୍ରମଣର "ସିଧାସଳଖ ପ୍ରଭାବ" ଏହି ସୁବିଧାର ଭୂତଳ ସେଣ୍ଟ୍ରିଫ୍ୟୁଜ୍ ହଲ୍ ଉପରେ ପଡ଼ିଥିବା ମନେହେଉଛି । 

5.ମଧ୍ୟପ୍ରାଚ୍ୟରେ ଉତ୍ତେଜନା ବଢ଼ୁଥିବା ବେଳେ ୫୧ତମ ଜି-୭ ଶିଖର ସମ୍ମିଳନୀ ପାଇଁ କାନାଡାରେ ଏକାଠି ହୋଇଥିବା ‘ଗ୍ରୁପ୍ ଅଫ୍ ସେଭେନ୍’ (ଜି୭)ର ନେତାମାନେ ଏକ ମିଳିତ ବିବୃତି ଜାରି କରି କହିଛନ୍ତି ଯେ ଇରାନକୁ କେବେ ବି ପରମାଣୁ ଅସ୍ତ୍ର ରଖିବାକୁ ଅନୁମତି ଦିଆଯାଇପାରିବ ନାହିଁ।

6.ଦକ୍ଷିଣ ଗାଜାରେ ଏକ ସହାୟତା ବଣ୍ଟନ ସ୍ଥଳ ନିକଟରେ ଇସ୍ରାଏଲୀ ସେନା ଗୁଳି ଚଳାଇବାରୁ ୫୧ରୁ ଅଧିକ ଲୋକଙ୍କ ମୃତ୍ୟୁ ଘଟିଥିବା ବେଳେ ପ୍ରାୟ ୨୦୦ ଜଣ ଆହତ ହୋଇଥିବା ଜଣାପଡ଼ିଛି।

7.ଆମେରିକା ଚୀନ୍‌ର ପ୍ରଯୁକ୍ତିବିଦ୍ୟା ଯୋଗାଣ ଶୃଙ୍ଖଳାକୁ ଭାଙ୍ଗିବାକୁ ଯୋଜନା କରୁଛି। ଏହା ଭିଏତନାମକୁ ଚୀନ୍ ଉପାଦାନର ବ୍ୟବହାର ହ୍ରାସ କରିବାକୁ କହୁଛି। ଆମେରିକା ମଧ୍ୟ ଶୁଳ୍କ ଲଗାଇବାକୁ ଧମକ ଦେଇଛି।

 8.ବିମାନ ସେବା ଯୋଗାଇ ଦେଉଥିବା ଭାରତର ପ୍ରମୁଖ ବିମାନ ସେବା କମ୍ପାନୀ ମାତ୍ର କିଛି ଦିନ ମଧ୍ୟରେ ଅନେକ ଅନ୍ତର୍ଜାତୀୟ ବିମାନରେ ଯାନ୍ତ୍ରିକ ବିଫଳତା ଯୋଗୁ ଯାଞ୍ଚର ସମ୍ମୁଖୀନ ହେଉଛି।

9.ଭାରତର ଉଭୟ ଇରାନ୍‌ ଓ ଇସ୍ରାଏଲ୍‌ ସହ ସମ୍ପର୍କ ଉତ୍ତମ । ଦୀର୍ଘ ସମୟ ପର୍ଯ୍ୟନ୍ତ ଯୁଦ୍ଧ ଲାଗି ରହିଲେ, ଇନ୍ଧନ ପାଇଁ ମୁଖ୍ୟ ସମସ୍ୟା ସୃଷ୍ଟି ହେବ । ଅର୍ଥାତ୍‌ ଭାରତରେ ଇନ୍ଧନ ମୂଲ୍ୟ ମହଙ୍ଗା ହେବ ।

10.ଇସ୍ରାଏଲ-ଇରାନ ଯୁଦ୍ଧ ଉତ୍ତେଜନା ବଢୁଥିବାବେଳେ ଇରାନରେ ରହୁଥିବା ଭାରତୀୟମାନଙ୍କୁ ତେହରାନ ଛାଡ଼ିବାକୁ ନିର୍ଦେଶ ଦିଆଯାଇଛି।

11.ରାଜ୍ୟରେ ସ୍କୁଲ ଖୋଲିବା ନେଇ ଦ୍ଵନ୍ଦ ଦୂର କରିଛନ୍ତି ଗଣଶିକ୍ଷା ମନ୍ତ୍ରୀ ନିତ୍ୟାନନ୍ଦ ଗଣ୍ଡ। ଆସନ୍ତା ୨୦ ତାରିଖରେ ସମସ୍ତ ସରକାରୀ, ବେସରକାରୀ ସ୍କୁଲ ଖୋଲିବ ବୋଲି ମନ୍ତ୍ରୀ ମଙ୍ଗଳବାର ଗଣମାଧ୍ୟମକୁ ସୂଚନା ଦେଇଛନ୍ତି।

12.ଟାଟା ପାୱାର୍‌ର ଏମ୍‌ଡି ଓ ସିଇଓ ଡ. ପ୍ରବୀର ସିହ୍ନା ଓ ଟାଟା ପାୱାର ରିନୁଏବଲ୍‌ ଏନର୍ଜିର ସିଇଓ ସଞ୍ଜୟ ବାଙ୍ଗା ନୂଆ ସମାଧାନ ଉନ୍ମୋଚନ କରିଛନ୍ତି। କମ୍ପାନି ପକ୍ଷରୁ ୩-୫ ବର୍ଷ ମଧ୍ୟରେ ରାଜ୍ୟର ୩ ଲକ୍ଷ ପରିବାର ନିକଟରେ ସୌର ଶକ୍ତି ପହଞ୍ଚାଇବାକୁ ଲକ୍ଷ୍ୟ ରଖାଯାଇଛି।

13.ଅନଲାଇନ୍‌ରେ ବୁକ କରି ହେବ ଆମ୍ବୁଲାନ୍ସ । ଏ ନେଇ ପରିବହନ ମନ୍ତ୍ରୀ ବିଭୂତି ଭୂଷଣ ଜେନା ସୂଚନା ଦେଇଛନ୍ତି। ଓଡ଼ିଶା ଯାତ୍ରୀ ଆପ୍‌ରେ ଯୋଡ଼ି ହେବେ ଆମ୍ବୁଲାନ୍ସ। ଅଟୋ ଟ୍ୟାକ୍ସି ପରେ ଆମ୍ବୁଲାନ୍ସ ବି ଯୋଡ଼ା ଯିବ।

14.ଜାତୀୟବାଦୀ କଂଗ୍ରେସ ପାର୍ଟି (ଏନସିପି) ମୁଖ୍ୟ ଶରଦ ପାୱାର ମଙ୍ଗଳବାର କହିଛନ୍ତି ଯେ, କିଛି ଲୋକ ଭାରତୀୟ ଜନତା ପାର୍ଟି (ବିଜେପି) ସହିତ ମେଣ୍ଟ କରି ସୁବିଧାବାଦୀ ରାଜନୀତି କରୁଛନ୍ତି। ଶରଦ ପାୱାରଙ୍କ ମନ୍ତବ୍ୟକୁ ତାଙ୍କ ପୁତୁରା ଅଜିତ ପାୱାରଙ୍କ ପାଇଁ ଏକ ବାର୍ତ୍ତା ବୋଲି ବିବେଚନା କରାଯାଉଛି।

15.ରାଜ୍ୟରେ ୩ ଦିନ ପ୍ରବଳରୁ ଅତି ପ୍ରବଳ ବର୍ଷା ହେବ ।  ୧୭ରୁ ୨୦ ତାରିଖ ଯାଏଁ ଅତିପ୍ରବଳ ବର୍ଷା ସମ୍ଭାବନା ଅଛି।  ବିଭିନ୍ନ ସ୍ଥାନକୁ ପାଣିପାଗ ବିଭାଗ ପକ୍ଷରୁ ସତର୍କ ସୂଚନା ଜାରି କରାଯାଇଛି ।